千嬅識貨「捧」囝囝做主角
歌手楊千嬅、羅力威、許廷鏗、藍奕邦昨日為音樂會綵排，掛着兒子Torres頸鏈的千嬅表示要到內地宣傳新片《香港仔》，但希望趕回港與囝囝過母親節，她笑言：「始終係我嘅節日，好想快啲返嚟，食唔到呢餐咪好唔抵！個仔就嚟2歲，識講好多嘢，好期待佢會同我講咩。佢今日知我出街，咗我好耐，佢識假喊，好有潛力做『男一』（即男主角）。」
身為前輩的千嬅笑言初時擔心與3位後輩合作會有「代溝」，但合作過後對他們讚不絕口，更自覺年輕不少，她說：「自己過咗40歲生日後，想有啲革命，第一係keep fit保持狀態，音樂上都好耐冇做，其實我又好鍾意，所以我舊年年底已經接呢個騷。」
另外，與舊公司約滿的藍奕邦在環球唱片工作人員陪同下出席綵排，他笑言音樂會是新公司的「驗貨期」，要待音樂會及新歌完成後才正式公布。問他是否以開心價過檔？他笑說：「係海鮮價，要睇吓條魚游唔得郁，同生唔生猛先。」