馬德鐘整兩味孝敬媽咪

馬德鐘摟着太太纖腰，恩愛合照似熱戀情侶。

馬德鐘（Joe）與太太張筱蘭（Karen）經常一同出席公開活動晒恩愛，私下同樣是模範夫婦，昨日趁公眾假期，二人帶同兒子馬在驤和外母到酒樓歎茶，Karen和母親及兒子先行到場，她透露老公要泊車，所以遲一些才到。十五分鐘後，Joe終於到達酒樓，Karen步出酒樓迎接老公，兩公婆友善地讓記者拍照，但兒子比較怕醜，所以未有跟父母合照，合照時Joe還輕摟太太纖腰，儼如熱戀情侶。

• 張筱蘭拖着母親去歎茶，跟在後面的兒子馬在驤卻怕醜避鏡。

太太禮物由仔代勞

Joe表示九月才開拍新劇，現在趁有時間，提早跟外母慶祝母親節，Karen即笑說：「佢呢排有時間喺香港，成日陪住屋企人，算幾孝順。」Joe坦言除了外母，也會抽時間陪自己媽咪慶祝，至於送甚麼禮物給兩老和太太？他笑言未諗，但太太的禮物就交由兒子去諗，不過兩公婆都想送一些有心思的禮物給老人家，Joe說：「我想親手整件衫或者煮餐餸畀佢哋，唔係話煮西餐嗰啲，而係煮細個佢哋煮過畀我哋食嘅餸菜，我廚藝OK㗎！」問Karen其子送甚麼禮物給她？她笑說：「我送嘢畀佢就多，可能一齊喺廚房煮吓嘢食啦。」

文：名人組