老孫「胸襲」楊謹華嚇到濕晒

問到拍台灣劇的分別，孫耀威表示：「佢哋化妝好專業，我以為自己天生麗質，點知都要化兩個鐘！戴『大眼仔』、雙眼皮膠紙、畫髮線做到齊，當初好抗拒，只好叫自己眼光放遠啲。」接受了化妝的他，坦言「大眼仔」戴上癮，當天受訪時亦不忘「美瞳」。

賣口乖讚好

二人難得合作愛情喜劇，當然不乏親熱戲，其中有一幕由孫耀威「胸襲」楊謹華的場口，他坦言拍時非常緊張：「當時大家未熟，拍一場咁嘅戲真係好難為情，點知佢突然拉我隻手去壓佢個胸，嚇到我成身濕晒！」楊謹華表示是為達到喜劇效果，不靠借位而選擇「犧牲」非常專業。問到手感如何？

孫耀威笑言：「佢依家喺隔籬，梗係要賣口乖讚好啦！但其實當時太緊張，隻手麻木晒，無晒印象！」更笑言與楊謹華已成為好友「零隔膜」，準備帶她遊香港一盡地主之誼。

場地：皇冠假日酒店（銅鑼灣）

文：影視組