羅禮賢專注卅年 看透巨星百態

《警察故事III之超級警察》、《霹靂火》連場飛車爆破，《金陵十三釵》炮火連天的打仗場面，《變形金剛4》（Transformers：Age of Extinction）激烈飛車追逐，跑勻香港九龍，這一幕又一幕驚險刺激的場面，其實都有一位「幕後主腦」操控着，他便是由八十年代走到今日，為無數大型製作甚至多位荷里活猛片擔任武術指導的特技大師羅禮賢！

巨星的特質

做武行彷彿每天都跟死神打交道，承認自己「唔止九條命」的羅禮賢，廿多歲入行至今，已打出名堂的他連內地以至荷里活都紛紛向他招手，如張藝謀、甄子丹及荷里活導演米高比爾（Michael Bay）等，羅禮賢表示：「米高比爾要求好高，但合作後佢向身邊工作人員讚我，佢哋話導演極少讚人。」

羅禮賢為不少電影設計出激烈驚險場面。	羅禮賢兒子羅義民亦繼承了父親的衣缽，加入了武指行業，羅禮賢對義民評價甚高，大讚青出於藍！	在甄子丹的《特殊身份》電影中一手包辦拍攝用的特殊用具。

入行差不多卅年，羅禮賢跟不少巨星合作過，好似成龍、甄子丹、周潤發、姜文、張藝謀等，在羅禮賢眼中，這批巨星、名導演都有一個共同點，就是對電影的專注：「佢哋都係好喜歡電影嘅人，拍戲會非常之專注，而佢哋每個人都有唔同嘅電影特質，如成龍同甄子丹都係武打巨星，但佢哋打出嚟嘅功夫風格好唔同，而洪金寶同成龍同是于占元徒弟，佢哋嘅武打風格起初係相近，每一個藝人都有佢自己嘅signature。」

場地 ：Eden Rose European Cuisine

文：影視組