詹瑞文出手 笑彈熄怒火
「詹Sir」詹瑞文月尾將演出舞台劇《快樂勿語》，他形容能夠透過舞台為香港人帶來歡樂，讓他感到非常榮幸，尤其在這段++香港人愈來愈憤怒、愈來愈多對罵的時間，他希望能夠助香港人重新引發正能量。
詹瑞文指將舞台劇名字定為《快樂勿語》，有特別意思，他說：「香港依家愈來愈anger（憤怒），愈來愈多對罵，搞到大家精神好緊張，《快樂勿語》點解用呢個『勿』字？係想帶出大家唔好講咁多，試吓『勿語』，用另一種形式去溝通，心平氣靜去感受快樂。今次個劇有好多象徵的意思，包括想帶出依家有好多人唔願意聽人講嘢，所以我設計咗個角色情願講外星語、做手語，都唔願意同人溝通，因為佢覺得就算講咗你都唔明，咁不如索性同你講外星語！」
要注重健康
詹Sir去年婚姻觸礁，家庭狀況改變，問到他會如何定義快樂，他語重心長的肺腑之言，絕非外星語，他說：「冇健康就享受唔到快樂，有好多人一生追求搵食，務求填飽個肚，但心靈需要都好重要。快樂係可以延伸，可以感染家人，有好多家庭未必快樂，如果生活中每一部分都有快樂出現，咁就先係真正嘅快樂！」
化妝：Ryan Chiu @ BeautyTech
場地：Air Space
攝影：劉智源
文：影視組