JM摩凸蜘蛛俠
藝人文詠珊（Janice Man）前晚以低胸吊帶裙亮相電影首映禮，與現場穿上緊身衣扮超級英雄的男模合照，JM三兩下手勢，即搞到男模超級激凸，JM坦言不敢目測對方下身，怕尷尬。
JM、黃婉曼、陳爽、馬德鐘、黃美棋及林家棟等，前晚到尖沙咀出席《蜘蛛俠2：決戰電魔》首映，大會安排男模穿上緊身衣扮蜘蛛俠與嘉賓們合照，盛裝打扮的JM以黑色低胸吊帶裙現身，更即席替男模按摩肌肉，大獻殷勤，搞到男模下身超級激凸。
唔敢望怕尷尬
JM受訪時坦言怕引起尷尬，故不敢目測男模下身：「我唔知（激凸），我冇望下面，唔敢望，因為佢着貼身衫，望下面會尷尬，上面吸引啲，望上面夠。（你搞到人激凸？）我諗我開心啲喎，我幻想自己係英雄片女主角。（鍾情大隻男？）唔鍾意大隻，正常肌肉ok，我同好多女仔傾過，唔接受男仔有鼻鼾。（要分房瞓？）依家科學昌明，應該可以解決嘅！」而任大會司儀的黃婉曼，有幸見識男模真面目，大爆激凸英雄的真實身份：「佢係中國人，佢件衫好貼身，都留意到佢激凸，我唔敢望，合照都唔企咁近，中間留番啲空間。」
陳爽拖鞋傍身
陳爽則挺着3個月身孕，腳踏3吋高踭鞋到場：「醫生話冇問題，唔影響BB，我貪靚，帶咗人字拖，入場會換。」她又透露已暫停手頭工作，以迎接小生命到來：「依家留喺屋企休息，唔悶，我參加咗孕婦瑜伽班，可以交流心得，好期待同BB過我哋嘅第一個母親節！（老公送戒指獎勵佗B？）冇所謂啦！佢一向對我好好，又氹我，每個禮拜都煲湯我飲，我唔記得食維他命丸又提我。」
文：影視組