謝安琪開心出血 草蜢玩濕底

無綫新節目《快樂聯盟》形式有別於大部分綜藝節目，以真人騷形式拍攝，請來演藝各界別甚具影響力的人物參與，包括跳唱組合草蜢、索爆人妻歌手謝安琪（Kay）、影星錢嘉樂、「宅男女神」黃翠如及搞笑主持Bob（林盛斌），他們需結盟合力完成任務，而節目每集都有深意，旨在帶出啟發及正能量，眾星事前對內容全不知情，鏡頭下被捕捉最真性情的表情反應！

荒島考求生技能

日前他們聯同藝員羅鈞滿到西貢訓練營學習野外求生技能，眾星落力紮竹筏及划獨木舟，其後更要到荒島完成任務，形象華麗的草蜢三子豁出去，不怕通山跑濕晒身勁污糟，蔡一傑笑言最苦惱是沒有帶內褲替換，蘇志威則說：「完全唔知要做咩，又好多體力勞動，但有好多新奇嘢，希望同觀眾一齊感受！（啟發？）每次都有！呢日就諗番起30年前，我每日都玩獨木舟，但近年好似大家都好少接觸大自然。」蔡一智則表示全因被監製陳旭亮誠意感動，樂於接受各項挑戰！

身穿短褲的Kay賣力踎地綁繩，在另一集中，她更被鋒利剪刀刺傷手，即場血流如泉！問到Kay有否後悔參與？她說：「唔會！我體驗到件事嘅意義，面對突擊挑戰，大家分工合作完成任務！（同仔仔分享？）會呀！我呢日嚟露營，佢都想玩，等我學識咗再帶佢去！」

謝安琪放下身段踎地紮竹筏，相當賣力，感受與平日不同的生活體驗。	眾星合力紮竹筏後，即划出海完成任務。	嘉樂玩到手指長水泡，雖立即處理貼膠布。

嘉樂賣力整損手

拍慣動作戲的嘉樂雖不慎弄傷手指長水泡，但他表示不介意受傷：「好似做番以前龍虎武師咁，係有少少辛苦，加上真人騷中間冇得cut，要Keep住能量拍攝！不過因為個節目做到一啲成世都冇機會做嘅嘢，而且幫到人，體驗好難忘！（同個女分享？）佢識聽嘢之後一定會！」

文：影視組