化妝師Gary猝死 哀思罩TVB 杏兒心情沉重
有「化妝間梁朝偉」之稱的無綫資深化妝師張家萬（Gary）前晚心臟病發猝死，享年39歲，群星包括佘詩曼、楊怡、鍾嘉欣、高海寧、蔡少芬等紛紛在微博痛心哀悼，阿佘直言「We love u」，望這位樂觀開朗的化妝師早登極樂。
無綫資深化妝師張家萬（Gary）前晚在家中昏迷不醒，送院後證實不治，享年39歲。Gary生前樂觀開朗，與圈中人打成一片，故前晚Gary猝死消息傳出後，眾星包括佘詩曼、楊怡、鍾嘉欣、蔡少芬、王祖藍等紛紛在微博留言哀悼，阿佘謂：「RIP Gary We love u...」
黃心穎：好唔捨得佢
胡杏兒昨在電視城開工時表現得心情沉重：「入行開始Gary就幫我化妝，最記得拍《野蠻奶奶》佢同我講話個妝化得唔係咁好，我答佢冇所謂啦。」金剛指過去的「獎門人」都是由Gary化妝，難以接受他的離開。至於楊怡、高海寧與黃心穎等在Gary出事當日才碰過面，黃心穎在在電話中說：「尋日（前日）先喺化妝間見到佢，好突然！我選港姐佢已經幫我化妝，佢唔止化妝靚，仲會煲湯畀大家飲，好鍾意講笑、整蠱人，好唔捨得佢。」楊怡在微博留言說：「昨天（前日）才和你說說笑笑……懷念你的一切。」高海寧震驚留言：「我下午（前日下午）才見過他，跟他說過話，怎麼可能？」
停食心臟病藥出事
Gary太太阿雪亦曾効力無綫，據知她表現極傷心，而前組合小龍鳳成員李明蔚則是阿雪的堂細妹，她透露：「堂姐夫有心臟病，每日要食藥，前日剝智慧齒要食消炎藥，停咗食心臟藥，堂姐6點同佢聯絡過，佢話收工好攰要瞓覺，8點返到屋企佢已昏迷、瞳孔放大、冇呼吸，心臟病發最後救唔番。」新城DJ GiGi是阿雪的表妹，她謂家人正處理表姐夫的身後事。
另外，有網民誤會離世的Gary是徐子淇御用化妝師Gary Chung並祝他「安息」，擺了大烏龍。
採訪：影視組