車車怒摑李安豪過足癮

藝人車車（張紫櫻）最近撈過界，為歌手李安豪新歌《大澳愛上威尼斯》MV擔任女主角。為演好壞女孩角色，她低胸上陣，更怒摑李安豪逾十次：「劇情需要我摑個男仔一巴，但我從未試過摑人，今次拍MV終於學識咗摑人嘅學問，拍遠鏡會細力啲！但前後計埋都摑咗李安豪十巴以上，搞到佢塊面都係手指印，我都唔好意思，原來做野蠻女友難度都好高！之後我仲拍到冷病，失聲咗成個禮拜！（低胸上陣冷病？）劇情講個女仔好鍾意夜蒲，好少夜蒲女會着樽領去蒲o架，戴假髮都係想突出個角色。」車車揚言想做演員，故拍MV過足戲癮，更因為她最近遭遇情傷，而令她投入角色喪喊。