尹子維遭背叛冇膽求證

已有兩年沒出唱片的尹子維今次新碟大講麻甩佬心事,《潛規則》講盡男人出軌經歷,問到可有試過背女友「劈腿」?他說:「我從來都唔玩呢種遊戲,我係誠實。(發現另一半偷食?)透過身邊人知道佢偷食,我都唔識反應,我唔覺得呢件事係問題,問題係點解要偷食,如果大家關係冇問題應該冇人想偷食。」發現另一半不忠後,他坦言雖難過卻冇膽問對方原因。

近年專心事業的子維仍是「寡佬」一名:「所有結咗婚嘅人都叫我唔好結,但話唔定有日我會衝動結婚,甚至閃婚,但我個人好open,亦分分鐘唔結婚,始終我唔想咁拘謹過人生。」

化妝:Denise Toms

髮型:Vic Kan & Ken Hiu@ii hair & nail