陳慧嫻笑保童顏學貪靚
年近半百的陳慧嫻天生一副童顏，她慶幸自己有張笑臉，令大家感覺後生了，本身不愛扮靚的她，終明白到女仔要貪靚先keep得好，所以她正積極減肥，希望回到最佳狀態，讓大家認識成熟版的陳慧嫻。
快將49歲的陳慧嫻猶如吃了防腐劑，她都自覺好彩：「可能我鍾意笑，我一笑就sweet啲。」去年重投環球懷抱的她忙於新碟及為6月舉行的30周年紀念演唱會宣傳，開口埋口都嚷着要減肥的她，自爆高峰時有120磅，最近靠飲雜菜湯飽肚，又跟從營養師菜單進食，已成功減掉十幾磅。
陳慧嫻坦言目標希望減到100磅：「我本身唔係貪靚嘅人，但營養師話一個女仔唔貪靚唔得o架，要保持貪靚心態先得，佢叫我一定要化妝出街，日日都要打扮，我明白佢嘅道理，一個女仔要貪靚先keep得到。」
翻唱經典
環球的前身正是寶麗金，今次重返環球，第一張碟的歌曲全部翻唱寶記其他歌手的經典金曲，包括草蜢《Lonely》、譚詠麟《忘不了你》、張學友《還是覺得你最好》等，她自己的作品僅得《花店》，她說：「寶記有太多經典歌手，個個都好多經典歌曲，由我、公司同監製一齊揀歌，都要我同監製有feel先得！」她直言最難揀是翻唱自己作品：「《花店》除咗編曲唔同，我都用咗成熟方法去演繹，聽番以前版本覺把聲好細路女，依家係成熟版。」
對於現今的密集式宣傳跟當年有別，慧嫻不但未感不慣，相反覺得日子很充實，她笑說：「冇咁忙嘅時候，有時唔係咁易瞓得着，或者瞓嘅質素冇咁好，呢排咁忙，反而一撻落床就瞓，話咁快又天光！」
文：音樂組
攝：黎志輝
Make up：Marsha Ma@A&V
Hair：Lorraine Lam@Hair Culture
Styling：Tanglai
場地：REGAL KOWLOON Hotel