佘詩曼開金口Sing援世界盃
林峯、佘詩曼、徐子珊等昨日為無綫世界盃主題曲錄音，甚少唱歌的阿佘開金口錄歌，但她滿有信心地笑言冇難度，因為只會唱四句。
林峯、佘詩曼、徐子珊、馬國明、鄭俊弘、黃心穎、林夏薇等逾40位藝員，昨日在將軍澳邵氏影城為無綫《2014 FIFA巴西世界盃》主題曲「We are the only one」錄音。首次唱世界盃主題曲的阿佘平日甚少表演歌藝，但她滿有信心地說：「唔驚，得嗰四句，雖然今日（昨日）先聽到首歌，但係都冇乜特別難度啦！」阿佘又稱雖然平日少睇波，但也會湊熱鬧睇世界盃，她說：「我都識C朗！」
林峯操肌減腩
林峯透露將拍完劇集《使徒行者》，但之後要為5月24日在澳門舉行的演唱會綵排兼操肌。他笑說：「拍劇呢3個月因為忙冇時間操，雖然飲食有節制，但開工又唔可以唔食飯，依家肌肉得番兩成，仲有小小肚腩，都驚着唔番啲衫。好彩我可以減得好快，一個月時間就夠。」他坦言希望與女友吳千語旅行休息，提到他被拍得與女友睇家居用品，是否計劃同居？他說：「睇精品啫，唔係同居，拍劇咁忙有少少時間拍拖已經好好。」平日甚少睇波的他又稱會睇世界盃：「啲人話我fans Club衫同巴西國家隊波衫好似，巴西起碼多咗我班fans先啦！」
子珊唔會賭波
子珊笑言要為歌曲增添巴西森巴舞迷人熱情的感覺，並揚言世界盃期間會外出睇波湊熱鬧。問會否賭波？她笑說：「唔會啦。」
文：影視組