陳茵媺哺乳豐胸一年咁多

藝人陳茵媺向來身材豐滿,已為人母的她昨日出席活動時巨咪再現,大方晒魔鬼身材,正哺母乳的她透露上圍比以前豐滿,將繼續餵一年人奶。

榮升人母的陳茵媺(Aimee)昨日戴上價值逾五億元的翡翠首飾,為中藝珠寶騷擔任模特兒,並壓軸行騷,同台還有模特兒傅嘉莉、曾咏、Jocelyn等。穿上tube dress的Aimee已火速修身,不過上圍仍然激凸。她表示經過珠寶騷後愛上了翡翠,像眼睛一樣水汪汪般美。問她是否想買這套翡翠?她笑言:「五億!我會努力。(叫陳豪送!)自己賺錢買,滿足感大好多,佢送當然開心啦!」記者指她上圍比以前豐滿,巨咪再現,問上圍是否升cup?她笑說:「差唔多,(大咗?)係呀,仲餵緊人奶,(餵幾耐?)盡我能力,一年。」

傅嘉莉幾乎跌咗一層樓

同場的傅嘉莉(Kelly)則戴上逾二億珠寶示人,透露出場前差點弄跌一只耳環:「有專人幫我哋戴耳環,可能扣唔實,好在有個女仔見到同我講,否則跌咗成層樓!」戴上如此昂貴珠寶的Kelly感到十分興奮,她表示希望上珠寶鑑證課程,學習如何「投資」珠寶:「翡翠戴出嚟又靚,又保值,嚟緊想讀吓點揀靚珠寶。」另外,她表示有份主演的劇集《愛我請留言》將近尾聲,有不少良好回應:「有網民喺論壇話對我改觀,差啲開心到喊!」

文:名人組