金秀賢唔識笑秒殺粉絲
韓國型男金秀賢，自捲起星星狂熱後前晚終於首度襲港，昨日更接連出席代言護膚品牌發布會及粉絲見面會，與粉絲作近距離接觸，令一眾港女瘋狂。但因受南韓海難事件影響，金秀賢大部分時間神情嚴肅，不過仍能秒殺在場粉絲，令一眾星迷陷入瘋狂狀態！
憑韓劇《來自星星的你》紅爆的「都教授」金秀賢，連月在全亞洲掀起「星星熱」，更成為各大品牌爭相邀請對象，繼在越南出席完活動後，前晚即旋風抵港，出席護膚品牌的兩日兩夜訪港之旅。
享受見面時間
昨午一時許，金秀賢一身白馬王子look，在尖沙咀The Mira出席由莎莎獨家代理的韓國護膚品牌BEYOND發布會，現場有過百傳媒及半百保安，未知是否因南韓沉船海難，金秀賢全程鮮有笑容、心情沉重，與現場反應成強烈對比。他甫出場，全場即時尖叫歡呼，金秀賢以揮手及鞠躬回禮，跟着即以韓文跟大家打招呼：「多謝大家咁熱情，好開心，尋日機場見到大批粉絲同傳媒，令我心情好好，多謝大家嚟迎接我，拜託晒大家，希望大家享受這段見面的時間！」司儀問到忙爆的他如何護膚，他即說每日早晚徹底洗面，又賣口乖指保濕很重要，乘機向在場女士推介美白產品。
要試更多美食
並非首次來港的金秀賢，問到對香港的印象時，露出丁點笑容說：「2011年我來港拍電影《盜賊門》，試過好多好嘢食，舊年再嚟香港宣傳《三個特攻美少年》，都冇咁多粉絲，今次嚟到香港見到咁多粉絲，同上兩次不能相比，希望再有機會嚟香港工作，試更多美食，我再次多謝大家！今次雖然留得唔耐，但都好enjoy今次嘅行程。」又說稍後要繼續亞洲巡迴之旅：「目前未有新作品，希望好快會為大家帶嚟更多好嘅作品，我都好期待下次再嚟香港。」他在發布會上只現身十分鐘，期間五次以韓語說謝謝，以及三度鞠躬答謝大家。
之後，金秀賢於下午三時再於酒店出席粉絲見面會，大會先安排五位粉絲上台玩遊戲，又播放一分鐘他在劇集《來自星星的你》、《擁抱太陽的月亮》片段及代言產品靚相「慰」粉絲。未幾金秀賢為報答在場二百二十名等候的粉絲，特地換上白色花恤衫及黑色褲chok爆現身，隨即引來全場哄動，粉絲不停揮手及尖叫，金秀賢在台上以韓文說：「每次見到大家都好開心，大家見到我咁開心，我都好開心！我最近比較忙同攰，但見到呢度坐滿咁多粉絲，大家咁熱情，我真係好開心！」
獻心說我愛你
其後大會安排五十名幸運兒上台，金秀賢親自送上親筆簽名海報及與眾粉絲握手，有粉絲一見偶像即用手整出心形手勢示愛，更有一、兩名粉絲激動得握實不肯放手，但整體來說粉絲表現已算克制。期間台下有粉絲以韓語大叫「我愛你」，金秀賢即以韓語回敬說「謝謝」，前後他逗留了十分鐘，先後鞠了四次躬，並不時揮手，十分親民！因南韓海難關係，金秀賢保持低調，原定之後銅鑼灣巡舖及訪問的環節取消。
至晚上七時十五分，金秀賢乘保母車到The Ritz-Carlton酒店中菜廳天龍軒晚膳，保母車全程落簾，未能拍到金秀賢。座駕直駛到酒店停車場，在保安掩護下直到中菜廳天龍軒。另外，由於金秀賢的威力實在太驚人，所到之處必引起哄動，故警方在The Mira附近維持秩序，他欲到任何地方亦要事先與警方溝通，加上連月來他奔波勞碌，大會亦建議他留在酒店休息。
採訪：影視組、追蹤組、專案組