關心妍做小三老公唔願睇
關心妍（Jade）昨日舉行新歌發布會，穿火紅Deep V連身裙的她大晒3吋事業線，性感回歸樂壇。她獲公司送上七位數字的鑽石頸鏈，由新歌MV男主角陳文剛幫她戴上，閃爆全場。
首播MV中，Jade扮演小三情挑男主角，尺度大膽，除了黑絲誘惑外，又大擺誘人pose，難怪Jade自爆老公起初不肯看這個MV：「我有講畀佢聽個故事，佢已經冇講嘢，拍完嗰日我問佢睇唔睇，佢唔出聲，淨係擰頭，不過最終都有睇到，依家啲老公好大方嘅。」她又笑言要向小三學習軟功箍實老公：「拍完MV終於明點解有小三，原來自己都要做吓呢啲嘢嘅，要檢討吓。」