歌手方力申與顏卓靈昨日出席電訊公司「one2free」的全新服務介紹活動，明顯身形消瘦不少，他解釋：「我係刻意減肥，近呢兩個月狂做運動，共瘦咗差不多廿磅，因為接咗個內地嘅內褲廣告要騷肌肉，所以搵咗杜德智做我健身教練。」
問小方可會考慮加強視覺效果，於拍攝時在內褲「打底」？他笑言：「梗係要！女仔都會打底啦。」小方笑言「打底」程度要因應內褲尺碼而定：「最緊要自然，始終亞洲人身形唔同外國人。（女友鄧麗欣見過你啲肌肉？）佢喺內地做嘢，未有機會畀佢睇。」
