成龍分身「迎賓」呻攰
成龍在港舉行六十大壽生日會，過百圈中好友到場祝賀。為使賓客放膽盡興，大會設定名單，賓客需要親自到場對號入座，經理人、助手、司機等亦不得內進；會上，成龍好友張學友和譚詠麟（阿倫）更上台獻唱，為壽星祝壽！
國際巨星成龍完成北京舉行的六十大壽生日會後，昨晚移師返港在清水灣邵氏影城舉行「成龍開心60生日會」，過百名圈中好友到場，包括英皇老闆楊受成、任達華、黃秋生、楊千嬅、莫文蔚、吳浩康、鍾舒漫、吳若希、無綫老闆陳國強等。會場入口兩旁安排了兩個成龍電影「A計劃續集」造型的人形紙牌「迎賓」，甚有心思。
傍晚六時許，成龍親自駕車抵達會場並說：「連續幾個生日會，好攰。生日會（內地）之前又要同公安、機場聯絡擔心有事發生，有關方面同我講最好唔搞，但見係我就幫吓手。（香港生日會由曾志偉安排？）係，佢話我生日，又做咗演藝人協會會長，就搞吓囉。聽日我又要去北京拍李仁港新戲，六百幾人等住我開工。生日願望係世界和平，收到嘅人情會捐出做慈善。（太太林鳳嬌送咩？）無呀，佢同祖名幫我搞生日會都好辛苦。」問到賓客吳若希是否他的新朋友？在旁的陳芷菁代答謂生日會的賓客都是志偉邀請的。
志偉唔飲醉當送禮
據知，演藝人協會為生日會特設一份嘉賓名單，賓客入場時要真身「對號入座」，而經理人、助手、司機等一律謝絕進場，能進場的非藝人亦只得數位，相當嚴謹。生日會內設了十數席並以自助餐和打邊爐形式進行。現場亦有抽獎環節，不少賓客上台話當年，氣氛熱鬧。張學友到場時被問到送成龍甚麼生日禮物？他說：「成龍大哥連私人飛機都有嘞，唔使啦。（上台獻唱？）咪唱囉。」而據知學友和譚詠麟亦有上台獻唱。志偉到場時透露：「成龍拎咗電單車、電動車、名錶同相機出嚟抽獎，我要多謝方逸華小姐借出場地。（送咩驚喜？）我唔飲醉囉。」
文：影視組
