貝安琪搵個好男人拍拖
模特兒貝安琪（Ankie）、梁漢文太太林文慧（Karen）、周國勳女兒周穎詩等昨日出席時裝活動，Ankie表示剛拍完無綫劇《使徒行者》，現在有時間找心地好的人拍拖。提到有傳緋聞男友陳展鵬打針整容？她直言：「冇見過佢唔知，我有睇佢播緊套劇，幾靚仔，佢唔使執。（鍾意自然？）係，媽咪話想整，我都話唔好，已經好靚。」
而Karen早前患乳癌，現在初愈要等待五年的觀察期，與老公齊齊做運動，及注意飲食。至於會否影響生育？她直言自己想生，但醫生不建議，要延遲，笑言自己40幾歲已老。而周穎詩透露現留港在美國品牌擔任公關，提到拍拖她即帶記者遊花園。