傅嘉莉歐遊亂戴帽出洋相
模特兒傅嘉莉佩戴帽子歐遊，卻因標奇立異而慘遭途人行「注目禮」，令她感到大出洋相。但同時亦有外籍男士非常欣賞她的造型，更借讚帽子漂亮為名，上前向她搭訕。
傅嘉莉（Kelly）昨日出席活動時，與一眾小朋友一同行帽子騷。她透露自己去年年底歐遊時，帶了不少帽子到當地配襯。但由於當地人甚少戴帽，故大家均向她行「注目禮」。她說：「佢哋望我嘅眼神令我好懷疑自己係咪戴錯咗場合，可能外國人喺葬禮嘅時候先戴黑色帽。」
紙銀包冧仔唔受
雖然被投以異常目光，但亦有外籍男士非常欣賞她，更主動向她搭訕說：「I love your hat！」Kelly續說：「我又試過喺日本試帽，店主見我好鍾意，又戴得靚，所以就送咗頂鎮店之帽畀我。」Kelly又自爆送過自製的報紙製銀包給心儀對象，她續說：「因為用報紙整，好易爛，要用好多心機做。不過我聽講佢唔係咁欣賞，都有啲失望。因為我希望見到佢用，不過佢冇用到。」
有劇出緊張反應
而提到她有份參與的電視劇《愛我請留言》已啟播，她坦言非常緊張觀眾的反應，故上討論區看網民意見。她說：「今次我嘅打扮冇咁靚，都有網民話對我另眼相看。見到大家嘅反應都好，希望可以拍續集。」另外，她又透露正洽談拍攝電影，預計於六月開工。
文：名人組