廖子妤灰爆恨攞獎
今年入圍競逐香港電影金像獎「最佳新演員」的廖子妤（Fish）前年由馬來西亞來港發展，能夠入圍直言好驚喜，問有否信心奪獎？她說︰「除咗我同杜鵑之外，其他都係好有經驗嘅演員，蔣家旻係家喻戶曉嘅電視劇演員，BabyJohn（蔡瀚億）都有演過獨立電影，所以我好大壓力。」強敵當前，她打算當晚穿上紅噹噹的戰衣出擊沾旺氣。
來港發展不久已入圍電影頒獎禮，「快人一步」的Fish卻唱反調說覺得慢，望更快做到更多嘢：「呢兩年我有好朋友嘅親人遇到意外或者過身，我諗得好灰，覺得下一個可能係我，所以要再加快速度去做我人生在世想做嘅嘢！」
