Ase畀貼士：先過我爸爸o個關
早前與余文樂（樂仔）傳緋聞的中瑞混血女星Ase Wang（王惠敏），面對緋聞笑着認單身，更藉機開出擇偶條件，她說：「我唔介意同圈中人拍拖，不過要先過我爸爸嗰關。」
其實Ase早年已在港發展，惜往往緋聞行先，曾與尹子維拍拖的她，問到今次與樂仔的緋聞，Ase似乎有備而來，直認單身：「亞洲演藝圈好細，好多泰國artist都識得香港artist，出席活動、首映都會碰面，自然就會識到。（你哋點識？）係經朋友介紹嘅，同樂仔都識咗4、5年。（你係單身？）係，都單身咗一段時間。」
會keep見面
兩人因為一張外地蜜遊的合照突然傳出拍拖緋聞，Ase一於冇有怕，直言會keep住繼續與樂仔見面，她說：「泰國嘅娛樂圈都一樣，我都好明白記者朋友為工作，我冇嬲過，亦唔會因為咁而影響自己嘅私人生活。」
不抗拒同行
「窈窕淑女，君子好逑」，Ase揚言不介意與圈中人拍拖，更爆料說要追她就要行外父政策：「我唔介意同圈中人拍拖，因為佢哋一定會了解工作上嘅難題，同所帶嚟嘅難處。不過對方身份唔係重點，反而佢一定要過到我爸爸嗰關，事關我爸爸睇人好準，所以點都要畀佢過目。」
攝影：嚴偉國
場地：Calcarrie's
服裝：Diane Von Furstenberg
文：專案組