森美笑柏豪潮服設計差
電台主持人森美昨日在電台節目中，不留情取笑周柏豪推出個人服裝品牌的設計，指衫上的「8」字太大：「咁大個字做乜？潮人白內障要睇清啲？」接住又指大外套左右手臂兩條白間似「治喪團」，由於森美一直不知服裝是柏豪推出，當得悉「講錯嘢」後，抵死的森美即補鑊：「周柏豪都着得幾好睇。」接住即播出對方新歌。
森美昨日在電話說：「我唔知係佢，所以只是無中生有作了些評價，其實心中是想着上身潮一吓。（會唔會同柏豪傾番？）會，但他一定不介意。」森美亦不擔心柏豪的歌迷會嬲，而柏豪坦言與森美是好友，並答謝對方免費為他宣傳：「相信佢講吓笑，多謝佢喺電台介紹我嘅品牌。」並趁機賣廣告說：「品牌第二季嚟緊，個8字都係咁大。」對於有指他涉抄歌，柏豪說：「自己唔覺得似，所以冇回應。」
