鄭俊弘 蔡思貝吸金有蜜契
鄭俊弘（Fred）、蔡思貝（Sisley）以情侶姿態拍超市廣告，二人盡顯默契，更同聲表示為了「搵食」，不介意繼續扮情侶拍住上搵銀。Sisley又力sell自己棚牙，希望拍牙膏廣告。
鄭俊弘（Fred）、蔡思貝（Sisley）、胡楓（修哥）及羅蘭早前一起為惠康超級市場拍攝廣告，第二次以情侶姿態上陣的Fred與Sisley，今次飾演胡楓及羅蘭後生版，由於廣告稍後會加入特技，故眾人需在布景板前做連串虛擬動作，不過這對假情侶也相當投入，一時齊齊扮Cool，鏡頭一轉又扮恩愛，繼而扮Cute也難不到他們，盡顯合拍一面。
恨拍牙膏廣告
Sisley當選港姐沒多久便引來廣告商垂青，還有不錯的酬勞，她不諱言大感幸運，她謂：「我真係咩都唔識，可能之前同Fred一齊出席過情人節活動，客戶覺得我哋襯，心情都緊張，（仲想拍咩廣告？）咩類型都想，有人話我應該拍牙膏廣告，因為我棚牙夠白。」
唔敢挑戰前輩
而Fred對於這位新拍檔也讚不絕口，寄望繼續保持情侶形象吸引客戶，實行有錢齊齊賺，笑指連新歌MV也欲找她當女主角。談到演繹後生版修哥可有難度？Fred笑謂：「要模仿o架！好在修哥一路睇住，拍嗰陣導演又播住歌，只要捉得住個拍子就ok。（同修哥鬥舞？）唔敢，修哥仲寶刀未老，跳舞好型！」
相對於Fred及Sisley，修哥與羅蘭當然經驗老到，說到酬勞，修哥笑言：「開心價，如果可以入超市任攞就更加好。」
文：影視組