關禮傑威到月球 爆紅唔怕醜
關禮傑在劇集《叛徒》中跳天台一幕，被網民二次創作成上完月球再落地球賽馬的短片，熱爆全港，連陳展鵬都按捺不住笑言：「傑哥呢期紅啦！」而當事人關禮傑雖慘被惡搞，但就認為不算醜化，並非常欣賞網民的創意，更認為段片夠晒得意，十分大方！
藝人關禮傑、陳展鵬、楊思琦、楊秀惠等昨在葵芳出席新劇《廉政行動2014》的宣傳活動，近日關禮傑在劇集《叛徒》的跳天台場面，被網民二次創作，上完月球再落地球賽馬，熱播網絡，之後更出現不同版本，「受害者」關禮傑不僅沒有因此而生氣，更大方謂：「我太太有send畀我，幾得意呀！我有朋友喺外國都同我講『你咁威嘅，上月球』，唔係醜化嘅，都係網民一番心意。」
而同劇的展鵬對於主演劇集被惡搞，都同樣大方，他搞笑說：「我都同傑哥講呢期佢紅啦！好犀利！」不過展鵬仍望觀眾不要抹殺演員的努力：「吊威吔都好危險，好恐怖！」
玩遊戲宣揚廉潔
最近有傳思琦與無綫傾續約時被壓價，她就解釋仍在洽談中，未有定案：「方便再講，仲傾緊。（要你減價？）有得傾嘅。（怕唔怕冇工做？）我都係做好分工，唔擔心嘅，隨遇而安。」她亦指現在經濟沒有問題。
一眾藝人在台上大玩遊戲，其中楊秀惠、王敏奕等就即場飲白色飲品，而穿上吊帶裙的徐佳琦，為揈甩身上的貪污蜘蛛網時，跌蕩感十足，非常吸睛。
文：影視組