鄭多燕跳住開騷預告派驚喜

現年47歲的韓國健身教練鄭多燕早年因健康問題而被醫生建議減肥，減肥成功後便自創一套減肥健身舞而引起回響，獲不少名人、OL追捧，紅爆的她5月9日及10日將來港假會展開騷，一連兩日帶領千位觀眾大跳瘦身舞。昨日她與「至fit三人組」阮兆祥、陳嘉佳（小寶）、楊詩敏（蝦頭）在港出席《ageas富通保險呈獻：鄭多燕萬人熱辣Show》記招，眾人甫出場便由鄭多燕帶領跳了一Part瘦身舞，只見以黑色貼身legging上陣的鄭多燕下體有少許現形，身形龐大的小寶跳舞時就顯得雞手鴨腳。

自嘲走音拒獻唱

有「亞洲瘦身女王」之稱的鄭多燕謙稱自己的身材在亞洲不算靚：「所以呢個稱呼都有壓力，不過冇人一出世身形就靚，我身材都係靠自己努力得返嚟。」她下月將來港開兩場騷，整個騷除了做運動外，更想為觀眾帶來快樂驚喜，並有演唱會的感覺，問到她會否唱歌？她笑說：「我係『高音不可』，唱唱下高音就會去到尾音，我成日教人跳舞講one two three個three字都會走音。」

鄭多燕謙稱自己的身材在亞洲不算靚。

阮兆祥（右）、鄭多燕（中）、陳嘉佳（左二）及楊詩敏（左）等在記招上大跳特跳。

讚譚校長有熱情

談到近期hit爆的韓劇《來自星星的你》，鄭多燕稱未有機會跟兩位主角金秀賢及全智賢合作，不過原來她亦曾拍過韓劇：「都係做教練囉，角色要做運動嘅，（想同香港明星合作？）我想同大家一齊做運動，唔一定明星。」談到「校長」譚詠麟亦曾在演唱會上大跳她的瘦身舞，她稱有看過校長的表演片段：「佢有後生仔嘅體力，好鍾意佢堅持做好所有嘢嘅熱情。」

文：影視組