與洪金寶分屬好友的任達華得知對方在杜拜拉頭馬後，昨在訪問中興奮說：「我都好戥大哥開心，為咗要繼續開心，等我都抽（籤）番隻（馬），贏到一齊開心！」大哥另一好友盧惠光昨亦稱有看電視，知道洪金寶的「崇山寶」跑出，戥對方開心：「洪金寶養好多隻馬，呢隻贏最多，我見佢開心到唔識郁，戥佢開心，我哋都有喺馬場見面，今次馬會好似會幫佢慶祝！」
至於「馬友」陳百祥亦讚洪金寶好運：「我知佢贏馬，為港爭光我都好戥佢開心，洪金寶成副身家放咗喺馬度，呢啲有因亦有果，買馬不在乎平、貴，好睇馬主運氣，（慶祝？）洪金寶都未返，佢搞慶功一定搵我！」
