藝人鮑起靜、陳啟泰、黎燕珊昨接受nowTV訪問，有份入圍金像獎「最佳女主角」的她被問有否準備戰衣？她說：「冇，我知道我一定唔會上台，平常心啦，有提名已係鼓舞。」而早前有民意調查指只有1%的受訪市民認為亞視應續牌，鮑姐聽到後笑到彎腰，她說：「好慘呀！我都係亞視出身，唔想睇到咁，如果續牌應該係要有要求，要改進，唔係對佢哋有成見，有啲意見係啱嘅，唔忍心見到佢哋咁！」
