盈盈爆囡囡硬食飄移

湯盈盈和周家蔚兩位靚媽昨出席兒童慈善活動，盈盈因怕囡囡悶而未有帶她同行，談到老公錢嘉樂最近在內地賽車比賽中奪冠，她坦言感到自豪：「老公之前喺訪問講過唔會再賽車，所以我聽到個心都跳一跳，佢話好安全，仲講笑話屋企預多個位畀佢擺獎盃。（以後唔畀佢賽車？）呢個係佢興趣，我都會擔心，但唔想做一個呢樣唔得嗰樣唔得嘅老婆。」問老公有否試過揸車湊囡囡時因一時忘記而揸快車？她笑說：「都會，佢話想個女feel下飄移感覺，佢講吓笑。」