娜姐呻難尋專一男

娜姐坦言羨慕米奇和米妮之間永沒第三者，更想成為米奇的情人。

周秀娜（Chrissie）昨日以透視短裙出席迪士尼活動，真空上陣的她卻不慎露出胸側的防走光膠紙，大殺風景。她透露喜歡的卡通人物是米奇老鼠，更想成為米奇的情人米妮，她笑言：「佢哋有90年歷史，難得可以有段90年嘅戀情，佢哋被公認係一對，應該唔會有第三者，對方係大家嘅唯一對象。（係咪試過畀小三介入戀情？）冇試過。（擇偶條件要忠誠？）童話故事係美好，但現實未必係咁，兩個人經歷好多，最後一齊係好難，因為人會成長，成日會變。」問到之前有指糖妹舊愛Dominic向她大獻殷勤似追求她，她否認對方有意追求，問到二人可有發展機會，她肯定地說：「唔會，識咗咁多年，大家只係朋友。（佢話同你了解中？）了解唔一定係男女朋友，做朋友都要了解。」

儲夠首期等做業主

另外，日前《好報》拍到Chrissie在跑馬地睇逾四千萬的豪宅樓盤，她承認一直有置業想法：「我有朋友住嗰區，所以去睇吓，而且我住嗰度就快租約期滿。（呎數同價錢都好大喎？）大有大住，我最想買間屋同屋企人住，但暫時目標係千幾呎樓獨居先。（咁同埋屋企人住咪要好大？）可能要住城堡，哈哈！」對於有指她幾年間賺半億，她謙稱仍需努力，但直言對新公司的酬勞滿意，並已儲夠首期。問她現時是否成為「千萬娜娜」？她卻避而不答：「如果我有90年命都可以賺好多。（夠買幾千萬樓？）冇，都係睇吓啫！」至於能否今年圓業主夢，Chrissie豪氣地表示呎數及價錢不是問題，但要揀到合心水樓盤並非易事。

日前《好報》拍到娜姐在跑馬地睇逾四千萬的豪宅樓盤。

真空上陣的娜姐性感非常。

文：名人組