溫拿肉價炒得起
溫拿樂隊相隔39年再踏澳門舞台，將於下月12日假澳門威尼斯人舉行《溫拿大躍進演唱會》，五虎日前重遊廿多年前拍攝寫真集的泳池為演唱會宣傳相取景，由於當年眾人露點上陣，五虎搞笑地穿上假肌肉衫拍攝。
成員鍾鎮濤（阿B）笑言當年因為紀念溫拿15周年推出珍藏版紀念特集，現時已經絕版，阿B說：「僅餘兩本都喺健仔（彭健新）手上。」隨即笑指升值能力高過台灣天團五月天的演唱會飛，他說：「你唔好以為五月天先有飛炒，我哋呢本寫真，當年幾十蚊依家炒到八千蚊。」
五子不愛賭
問到譚詠麟為何不像當年赤裸上陣？他說：「呢啲叫隆重其事，陳友係真身上陣，冇打假衫o架。」接住解釋：「我就好驚再冷親，啱啱感冒先好番，真係唔想再病。」阿B透露五子都不愛賭錢：「我哋五個都唔好賭，咁多年都未試過喺澳門賭過錢。」而陳友則說：「咁辛苦搵啲錢，倒咗佢喎，點可以呀！」
文：音樂組