劉嘉玲揸正評審唔偏心偉仔

劉嘉玲、甄子丹、日籍女星栗山千明、韓籍男星金南佶等昨晚出席《亞洲電影特別大獎頒獎禮》，獲頒「傑出亞洲演員大獎」的嘉玲與子丹一早到場，嘉玲更以閃爆金色西裝上陣，與子丹互相吻賀。

讚李康生演技好

影后嘉玲對於家中獎盃櫃又多一個獎項，她笑指每個獎項分量一樣，因為是對工作上的肯定，令她更有動力演出。嘉玲坦言不會為了得獎而變多產演員：「我好好彩，咁自己都付出好多，但付出唔一定成功，要成功就一定要付出。」擔任本周四於澳門舉行的「亞洲電影大獎」評審的嘉玲，對於老公梁朝偉有份角逐影帝，她謂：「我好公正，用客觀身份去投票，今日唔會有人話佢做戲唔好。其實平時去睇戲，佢都想我客觀心態去講好定唔好。（偉仔大壓力？）同我一樣，有獎對演員係鼓勵。（佢又要同李康生對決！）每個演員都要鼓勵，李康生真係做得好好，角色好難做，佢做好多年戲，覺得係時候畀肯定佢。」

梁朝偉	栗山千明很開心與香港電影人交流。

子丹亦對獲獎感高興，但不會特別慶祝：「都係繼續工作同生活，唔會興奮到跳起。」任「亞洲電影大獎」評審的他則口密不欲透露心水人物：「一早投咗票，大家好公道，三個機構一齊做，口味已經好照顧及咁多國家片種，好均勻。（偏心香港？）公平公正去審先叫我嚟做o架。」

金南佶自小已愛看港產片。

嘉玲與子丹互相吻賀。

金南佶恨拍港片

另外，金南佶與栗山千明獲頒「亞洲飛躍演員大獎」，兩人均稱很喜歡香港電影。金南佶稱：「好欣賞張國榮、梁朝偉，我讀大學時主修中文，識講少少普通話『沒關係』、『對不起』，睇吓將來有冇機會同香港電影人合作。」栗山千明則稱很開心與香港電影人交流，但問她想與哪位港星合作時，她以「這個問題好難」來輕輕帶過。

文：影視組