黃秋生捲入一宗食肆錢債糾紛，六名市民昨日到灣仔某食肆追數，有指秋生是該食肆股東之一，秋生昨透過電話否認：「嗰個老闆係我中學同學，當年喺黃埔搞舖時話畀啲股份我，我話唔使，因為搞食肆一定要親力親為。（無辜被拖落水？）會唔會有啲咩誤會？追錢可以搵小額錢債審裁處，示威作用不大。」