為慈善晚宴擔任嘉賓的楊千嬅，與老公丁子高前後腳到場，千嬅一身白色tube dress裙顯得身形fit爆，不過她因肩周炎而做物理治療致右肩現瘀血，形狀有如拔罐印，千嬅說：「有瘀血喺入面，因做運動嚴重咗，散咗就冇事！（做運動減肥？）今年要做音樂節同伍樂城個騷，所以要靚，餐單同運動雙管齊下已減咗10磅，依家110幾磅，希望減到110磅嘅目標。之前我130幾磅老公話我肥，依家咁fit可以考警察，（唔係要生仔？）唔想再畀你哋話我肥到好似有咗，要生都要靚咗先！」
