唐貝詩歎茶講扮靚經
寇鴻萍長女唐貝詩（Lydia）日前下午二時多與女友人現身金鐘食肆，二人坐在露天位置歎下午茶，枱面擺滿化妝品及護膚品，見她與友人邊吃邊拿着化妝品講個不停，十足推銷員上身。
歎茶後兩人往等車，一輛白色Benz駛到，司機落車取過Lydia手上的外賣及紙袋，再返回司機位旁邊位置，Lydia則坐上司機位，女友人坐後座。Lydia竟然花了兩分鐘才駛出路口，駕駛技術認真麻麻。
其後Lydia接受電話訪問時透露該百萬名車是母親購買，她說：「架車係媽咪新買，佢畀我用，（你嘅駕駛技術麻麻，要司機傍實？）我有車牌好耐，但最近先開始揸車。（點解化妝品擺滿枱？）嗰啲係我哋網站新引入嘅產品，每次公司有新嘢我都會介紹畀朋友，順便傾吓扮靚經。」她又透露由於韓劇《來自星星的你》熱爆中港台，她也引入全智賢在劇中所用的氣墊BB粉底，湊星星熱。