城城踢走o靚模 封爆乳苟女神
郭富城與熊黛林分手，有指其中一個原因是苟芸慧介入，昨日城城與苟姑娘一起出席活動，亦是兩人傳緋聞後首度同場出席公開活動，期間城城澄清自己被指結識o靚模的報道，又三度讚苟姑娘是女神，更不排除再合作，爆乳上陣的苟姑娘則甜笑表示二人有緣做到朋友很難得，會好好珍惜！
郭富城昨日主持瑞士鐘錶品牌LONGINES的全球最大旗艦店開幕儀式，其緋聞女友苟芸慧則任嘉賓，並以爆乳裝現身，兩人於活動尾聲大方合照。
希望再合作
城城於活動後受訪，問他見到苟姑娘是否很開心？他說：「開心，舊拍檔再合作好開心，有傾偈。佢容光煥發咗，面色好咗，靚咗，絕對係女神！」之後城城再兩度讚苟姑娘是女神。問城城是否想再合作？他說：「想！唔使猶豫！」提到城城正在寫劇本，問會否與苟姑娘在電影上合作？他指電影要以角色人物出發，問怕不怕再傳緋聞？他表示如擔心，苟姑娘就不會出席。問會否約女神食飯？他說：「冇諗，單純做嘢。」
提到有報道指城城透過Instagram結識o靚模，他澄清說：「係荒謬報道，我禮貌式關注，換嚟咁多創作，我都有add麥當娜，又唔見有人寫？」
苟姑娘受訪時則被問與城城同場可會尷尬？她說：「尷尬就唔會嚟，都係做嘢。」對於獲城城讚是女神，她說：「係唔係呀？多謝多謝。（話想同你再合作。）工作等公司安排，佢係專業演員，同佢合作可以偷師，袋錢入我袋。」
拒主動約會
問苟姑娘甲狀腺病是否康復？她說：「有進步，心情好咗好多。（同城城傳緋聞壓力大而患病？）自己問題唔好賴人哋，第一次處理（緋聞）唔慣，下次有信心面對。」她透露仍需食半年藥：「食完藥心臟會跳得好快。」問見到城城心跳是否也很快？她甜笑說：「你話呢？我都未食藥。有緣做朋友好難得，要珍惜。（約食飯？）我唔會主動，佢工作都好忙。」
文：名人組