潮牌遭冒名開店 周柏豪扯火追究
周柏豪昨日出席新城活動，柏豪因發現其品牌在汕頭被人打正旗號開舖，令他相當激氣：「有人買咗之後post上網畀我睇，我見到啲單據同格式，連barcode都冒到一樣，仲要賣人民幣價，好離譜！（親自上汕頭了解？）唔會，但會交畀法律部去處理。」
柏豪看過有關產品的相片，發覺貨品質素很差，之前已有冒牌貨在內地網購平台出現，當時他隻眼開隻眼閉，今次竟然開實體店實在過分：「我自己都未開！所以今次要嚴正處理。」暫時難以估計損失多少，不過從網上平台可以看到賣家賣出幾多貨，就算冒牌貨賣59蚊件，交易過百件都賺幾千元！由於他的產品亦是在內地製造，可懷疑因而令貨品外洩？柏豪說：「所以都要有新方案去安排，可能成本貴啲，但都要保持質素。」