古巨基畀名分要夠驚喜

陳偉霆近年積極搵錢，準備向女友蔡卓妍送上豪宅，身為同門的古巨基被追問何時給女友Lorraine一個名分時，他說：「等我舒服同適當時話畀大家聽。（係咪諗緊驚喜？）我最鍾意畀驚喜人。」而早前本報獨家踢爆他於今年下半年迎娶Lorraine，問到現時兩人是否以「老公老婆」相稱？基仔說：「冇，佢叫我老闆或基仔囉。（仲基仔？你喺佢心中都冇昇華？）咁我要檢討。」
古巨基似乎已諗定驚喜，向大家公布喜訊。
古巨基似乎已諗定驚喜，向大家公布喜訊。

同場還有林德信及周柏豪等型男，與Angelababy老友鬼鬼的柏豪透露個多月前見過對方，有指Baby與黃曉明秘婚及懷孕，柏豪說：「傳聞啫。（會唔會倣效曉明送跑車冧女友？）睇吓對方鍾意啲咩，唔係送最貴嘅嘢就鍾意。」

林德信四正出席活動。
  • 林德信四正出席活動。
周柏豪送禮唔會着重價錢。
  • 周柏豪送禮唔會着重價錢。