王祖藍報答女友環遊世界

藝人王祖藍昨日以代言人身份,出席專業旅運「CRAZY SALE旅遊特賣場」活動擔任開幕嘉賓。王祖藍表示相當喜歡旅遊,日後結婚都會考慮環遊世界,去多幾個地方,他解釋說:「因為平時自己好忙,女友(李亞男)都有投訴,所以如果結婚都想去多幾個地方,補償番畀佢。」王祖藍又透露稍後會與李亞男一同主持旅遊節目,笑言可以利用公司資源寓工作於娛樂。

對於黃曉明向女友楊穎送上二百萬名車,相當甜蜜,他說:「嘩,佢哋如果真係咁開心,梗係祝福佢哋啦。」而早前有指他亦以八十萬購買新車?他說:「係有買,落咗訂,不過未到手。其實我係支持環保啫,一直想買一部『電車』。(買畀女友定自己用?)架車係自己心水,平時我用車都比較矮細,依家大個仔想得體啲,又可以就番女友高度。」