陳敏之唔知「思春」戀事
藝人陳敏之、梁烈唯前晚亦有出席梁家樹在酒店舉行的榮休派對，提到春卷當李思捷冇到，當他面攬佬示威，同場的敏之昨接受電話訪問時，就指在場內沒有碰到春卷和思捷，不清楚事情，問到會否怕思捷不是味兒，她說：「唔會啦，佢都咁大個人。（春卷唔尊重男友？）我本身唔識春卷，唔知佢哋依家咩關係，唔回應呢啲嘢啦！」而前晚因要開工走先的敏之透露，離開時有感性地攬攬梁家樹：「我話我會好掛住佢，基本上當咗佢係爸爸！」
相反，唯唯就理性得多：「佢係離開依家嘅工作崗位，但唔代表我哋唔會見面。」更笑言希望自己不會忘形飲醉。而講到黃宗澤和楊崢拍拖後負面新聞不斷，唯唯就力撐好友黃宗澤，相信他有足夠智慧處理。
