高海寧恨雪地kiss
無綫藝人高海寧（高Ling）與泰臣昨日到西貢拍攝新節目《瀛真扮嘢王》，兩人tube top示人，聲稱是以韓國塑身女王鄭多燕造型亮相，但泰臣非常入戲，烏身露罅，令高Ling笑到忘形露bra帶。
高Ling表示稍後將在節目中演出韓劇《來自星星的你》搞笑版，她說：「好開心可以扮我偶像全智賢，劇入面有場雪地kiss戲好sweet，唔知拍唔拍呢場呢？（你想同泰臣kiss？）咁佢要做到時空停頓，啲雪花停定喺半空先得啦！（使唔使佢剃咗鬚先？）吓，唔使啦，man啲嘛！其實泰臣可以組番隊『瀛真扮嘢王福祿壽』。 」
而泰臣則表示：「我今日特登將身上所有嘅肉推向中間，諗住挑戰高Ling，起初都叫有得拚吓，時間耐咗都係要輸畀佢。（高Ling叫你搞隊福祿壽？）我會搵佢同細細粒（陳嘉佳）組隊『高矮肥』。」