王祖藍今年唔娶李亞男
於熱播新劇《食為奴》中飾演「鬼馬小御廚」的王祖藍，日前受訪時笑言「後悔」為了今次演出而剃頭：「今次係臨危受命，監製黃偉聲一問我肯唔肯剃頭演出，我即刻就應承佢。因為唔使煩髮型，以後奉旨戴帽。但原來剃頭後仲麻煩，要自己日日剃一次，下次真係要考慮下先。」
談到於劇中廚藝精湛的他會否趁情人節為女友李亞男炮製愛心料理？他即自嘲「廚藝差」：「我比較擅長煮即食食品。（全由女友下廚？）佢唔需要咁快做到咁賢良淑德！（今年娶佢？）我點都唔會今年求婚，因為工作已經排到下年。但無論幾忙同幾攰，我都會成日打電話同佢講『我掛住你』，好似我個人喺佢身邊咁！」
