梁漢文綺夢會全智賢

梁漢文與王梓軒前晚出席「2013豐澤生活新啟發大獎」，Edmond以一身粉藍色絨褸示人，大晒韓風，講到近期Hit爆的韓劇《來自星星的你》，Edmond就自爆從《我的野蠻女友》開始，全智賢就是他的「摯愛」，問到老婆可有呷醋？Edmond笑言：「老婆永遠第一，老婆係『最愛』。」

Edmond又指其實自己曾經因為全智賢而作過一首歌，靈感是同「夢」有關，問到是「夢遺」定「綺夢」？Edmond勁尷尬話：「哎呀，是但啦，是但啦！」再問夢見全智賢時雙方有冇着衫？他「依依哦哦」說：「有呀！有呀！」

同場的王梓軒就話自己出場表演前，小提琴同衫鈕忽然爆開，認真離奇。梓軒將會在周六擔任晚宴嘉賓，昨日他在微博表示有人疑將當晚的門票出售，澄清晚宴絕無公開售票，他的經理人石祐珊透過電話回應，指慶幸未有粉絲「中招」。

苟姑娘恨有外星男友

另外，中了「星星毒」的苟芸慧昨日在活動上自爆勁鍾意《來》主角金秀賢，她說：「咁靚仔嘅外星人真係完美到『玩』（搵）唔到，（你玩男人？）唔會啦！但我真係想搵個外星人男朋友。」另外，早前甲狀腺出現問題的她表示病情已受控制，相信六月可以投入拍攝工作。

文：音樂組