張智霖追睇微博查傷勢

袁詠儀正在「血拼巴黎」,其丈夫張智霖昨日出席頒獎禮時笑言從老婆的微博得悉自己銀包的「傷勢」,他說:「我知道自己『傷口』有幾深。」

張智霖、陳敏之、鄭俊弘等昨日到尖沙咀出席「微博之星2013頒獎禮」,無綫電視成為大贏家,在「微博影響力十大香港話題」中除了《衝上雲霄II》排第二外,《萬千星輝頒獎典禮》、《My盛Lady》、《星夢傳奇》亦位列十大。

而張智霖奪得「微博影響力十大香港名人」第十名及「微博給力電視劇男角色」,他笑言從微博得悉自己銀包的「傷勢」,他笑說:「老婆依家喺巴黎血拼緊,我就喺香港奮鬥工作,睇佢微博都知道自己『傷口』有幾深,信(蘇見信)仲加多一刀,讓咗個銀包畀我老婆。」

陳敏之為森美喊

張智霖談到將與同門的周秀娜拍攝電影《千億惡魔愛上我》(暫名),他大讚對方是香港的性感Icon,他說:「我細個嘅時候香港有好多夢中情人,好似青霞、曼玉、楚紅,但依家就愈嚟愈少,周秀娜都算係數一數二。」問會否要求在電影中加親熱戲?張智霖笑說:「咁係時候要收買導演喇,邊有得咁要求o架。(是否要得老婆批准?)唔使,工作還工作。」

日前有指森美因病辭演劇集《使徒行者》,同劇的陳敏之便透露該角色現由沈震軒頂替,之前所拍的戲份要從頭拍過,但影響不算太大,只是多花十日時間,她說:「同森美好好朋友,知佢病自己都喊咗出嚟,唔知佢咩病,佢平時好忙,拍埋劇直情冇得瞓,佢係鐵人嚟嘅,意志力好強,但可能都頂得太耐。」首次奪得音樂獎的陳敏之盼今年能出福音唱片完成心願。

文:影視組