黎瑞恩慶生 親子歎韓菜
盛傳和丈夫曾智明鬧婚變的黎瑞恩，昨日41歲生日，老公繼續冇影，搬離曾家大宅的她，在兩名女友人陪同下買齊材料親自炮製韓國料理，與一對子女於下榻的酒店內慶生。
有傳黎瑞恩與結婚十一年的丈夫曾智明鬧婚變，近日已帶同一對寶貝子女由曾家位於九龍塘的大宅搬往酒店，開始「單親」新生活，日前她於微博表示「我冇事，亦都冇眼濕濕，唔使擔心我。」並直言想餘下的日子亦過得開心。昨日正值黎瑞恩41歲生日，雖然丈夫繼續冇影，但亦沒有影響其心情，與朋友及子女溫馨共度。
下廚做準備
昨日下午3時多，戴上口罩、薄施脂粉的黎瑞恩親自駕駛吉普車，載同兩位女友人離開下榻的酒店，直往尖沙咀金巴利街，幫襯出名的韓國店舖，先於凍肉舖花二千多元買了不少牛肉、帶子等食材，再往其他店舖購買調味料及韓式泡菜，做足準備炮製韓國大餐，期間被問到生日如何慶祝，她說：「返屋企同仔女食飯，（返邊度屋企？）自己得一個屋企。」
為了晚上的生日飯，黎瑞恩花盡心思，去完尖沙咀再往九龍城街市，只見她和女友人分別買入豆腐和飲料，至5時多始驅車返抵酒店，提着一袋二袋下車，臨入酒店時她友善地向記者揮手講再見，隨即入內為晚飯作準備。
文、攝：追蹤組