鍾鎮濤愛女牛一變身公主

鍾鎮濤（B哥）上周六與女友范姜聯同兩位愛女為細B女鍾幗（Eloise）在主題公園舉行生日派對，補祝上月14日鍾幗的4歲生辰，而鍾幗變身小米妮又換上公主裝相當可愛，當見到童話世界中的公主出現，鍾幗表現興奮，B哥笑言：「Eloise係咁捉住啲公主傾偈，又問點解長髮公主啲頭髮短咗咁多？又問點解嗰位公主冇嚟？問咗好多問題。」至於23日輪到B哥61歲生辰，B哥稱未計劃慶祝活動，問到是否今年結婚？B哥笑言：「係住先啦。」