JC主動出擊「戒」掂男友

Jessica C.與男模趙勁皓（King）昨日出席高跟鞋競跑大賽，King即場幫JC穿上短裙，為她塑造學生妹形象，而JC則為King穿上紅色高跟鞋，二人手拖手穿高跟鞋起跑。King表示首次穿高跟鞋，但獲讚穿得穩陣。

回贈big kiss

問JC如何慶祝剛過去的中西情人節？她表示剛從洛杉磯回港，跟男友在當地過情人節，她甜笑說：「我喺L.A.逗留兩個星期，我送咗金戒指畀佢，但唔係向佢求婚，我覺得佢都應該買一隻，不過佢無。」她就收到士多啤梨朱古力花做禮物，她笑指男友怕送花太悶，所以在鮮花中加插士多啤梨朱古力。問她有沒有回贈「big kiss」給男友？她即作狀咀嘴，坦言有回贈。至於是否已計劃結婚？JC直言：「未準備好，呢啲要嚟就嚟，自己都好鍾意小朋友，但唔係依家結。（佢係咪你真命天子？）呢一刻好掛住佢，可以話係囉。」

趙勁皓穿高跟鞋拖住JC競走，但跑得相當穩陣。

JC烏身裝飾高跟鞋，拋出成名「警鐘胸」，令現場氣溫急升！

King送驚喜

同樣蜜運中的King就被問到與女友盧頌之的拍拖生活，他即自爆情人節送了驚喜給對方：「我嗰日話有好多健身堂要上，其實我得兩堂，係專登激嬲佢，我一早喺健身房貼滿心形氣球同心形蠟燭，熄晒燈，我叫佢過嚟搵我食飯，佢開門見到係咁笑！我仲畫咗佢個樣送畀佢。（順便求婚？）無咁快，我哋一齊三個月，剛過試用期。」

文：名人組