葉翠翠接父同住 撫喪母痛
楊怡、馬浚偉、葉翠翠等昨日出席劇集《守業者》宣傳，名花有主的楊怡，透露剛過去的情人節要開工，幸好能趕及返家與母親打邊爐慶祝，問到緋聞男友羅仲謙有否加雙筷？她笑謂：「冇呀！阿媽老喇！好想每一刻重要日子同佢過，當晚仲有好多人，不過有打電話講情人節快樂，佢應該都要做嘢！（咁普通？）心照，開心就得。」
楊怡頸巾贈謙仔
談到沒有約會，那有否為對方準備禮物？阿怡自嘲不是浪漫派，以往情人節也沒有送禮物，更謂：「我唔識手工，不過好耐之前有試過織頸巾送畀男方囉！」
而日前喪母的翠翠，則表示心情已有好轉，惟每當想起母親時也會感失落，更指正為亡母處理身後事，現定於下月1日在萬國殯儀館設靈，翌日火化後便送往長沙灣天主教墳場安葬。
爸爸未平復心情
甚為痛錫雙親的翠翠，表示父親仍承受很大壓力，故要花時間照顧對方，更謂：「之前去醫院領取遺體時，感覺唔知點，爸爸仲差過我好多，未接受到，所以都盡可能接佢嚟我度住先，佢原本住嗰度諗住賣或者租出去。」
文：影視組