徐濠縈有神助 戰畢全馬趕生B

一年一度的「渣打香港馬拉松2014」昨日進行，吸引不少藝人報名挑戰自己，包括徐濠縈、陳山聰、劉心悠、張致恒、鍾舒漫、關智斌、HotCha及應昌佑等，當中阿徐、張致恒及陳山聰參加了全馬賽事，最威水的莫過於女健將阿徐，她約以3小時52分完成全馬賽事，估計是藝人之冠。

老公陪跑當禮物

獲老公陳奕迅封為「肯雅徐」的阿徐賽後難掩興奮，她受訪時拿着獎牌說：「第一次跑全馬，依家好似當選港姐咁，做咗大贏家，亦當係送畀自己遲吓40歲嘅禮物。」她認為香港的賽道較辛苦：「要衝出重圍好難，入咗三次隧道，都聽到有男人用國語鬧，我出西隧時都差啲抽筋。」

阿徐早前獲老公陳奕迅陪跑。

衝線後的阿徐展露滿足表情。

阿徐又表示，情人節前兩天捉陳奕迅陪跑當禮物：「當係情人節禮物，因為佢情人節要開工。」問阿徐明年可會再出戰？她竟誇下海口要生B慶祝：「下年冇BB咪跑囉！（係咪準備生第二胎？）跑完全馬就乜都得，生多10個都得！」

阿徐和陳奕迅已有愛女康堤，如今阿徐似乎想再生B。（資料圖片）

陳山聰 4小時27分鐘

山聰食鹽防抽筋

同樣參加全馬的陳山聰天未光就到達現場準備，見他戴上黑超，穿運動背心加透明擋風雨褸上陣。他最後以4小時27分衝線，並自爆獲藝人蔣志光教路，全程食了四次鹽來止抽筋。提到之前與何超雲拍拖而疏於練習，山聰說：「唔關事，係呢半年先開始練習。」

文：音樂組