Amanda S. sexy秘物送老公

混血名模Amanda S.、模特兒莊思敏（Jacquelin）、梁漢文太太林文慧等昨日下午出席Giorgio Armani Beauty中環ifc專門店開幕儀式，身穿白色low-cut短裙的Amanda上圍顯然縮水，被問到是否瘦了？Amanda笑言：「唔知，但近排忙死啦，因為我預備在銅鑼灣開第二家法式甜品分店。（投資咗幾多錢？）對我來講係好多錢。（咁忙會唔會無時間造人？）我嘗試緊，又要出席活動、搞分店、情人節、做老婆，我覺得我好似做緊三份全職。」

家中玩煮飯仔

今日是情人節，Amanda指店舖會更加忙碌，故此在早一星期前已與老公在家中玩煮飯仔慶祝情人節，Amanda更透露在枕頭底下收到老公所送的一套鑽石的天使翼耳環和戒指。問到Amanda有甚麼回禮？她表現害羞指是大秘密，她說：「係Sexy嘅禮物，唔講得。仲有我將我哋以前去旅行嘅相整成本相簿，充滿回憶。」

Jacquelin以露背裝性感示人，她現在正積極練車。

林文慧打扮密實到場。

莊思敏練賽車

另外，近日為三月尾的賽車比賽積極練車的Jacquelin，坦言前日已拿到賽車證，她透露：「其實今次出賽係有人贊助，因為出賽都要一百萬，贊助我嘅老闆只係見過我一次賽車。（想追你？）我唔信，佢已經有老婆。」至於情人節，Jacquelin透露有圈外朋友約食飯，但因為怕尷尬已拒絕。

文：名人組