雨僑買樓孝敬父母
歌手雨僑日前在美國演出第二場登台騷，雖然當地下大風雪，但fans熱情不減，她唱完10首歌回後台換衫離開時，聽見台前傳來叫囂聲，原來fans要再encore，她接受長途電話訪問時表示：「其實都encore一次，但佢哋都係唔肯走，仲大叫，所以換番衫上台唱過囉。」
雨僑早前傳以五百萬加盟Neway Star，她不諱言終於可完成做業主心願，她謂：「睇中南區一層六百幾萬口嘅樓，見有鬆動錢咪扑錘買囉，只係先畀三成首期，係寫我阿爸阿媽個名，等我結婚或搬出去住先再用自己名買樓。」有傳雨僑簽Neway Star將取代鄭融？她自感跟鄭融屬不同道路的歌手，故不存在取替問題。